‘A PATRIA DÂ LEGALITA’ - di Euranio La Spisa

Quali mazzetti, quali corruzioni 
tuttu va’ beni alla pirfizioni,
‘nta ‘stu Paisi la Costituzioni
è cosa nostra! ‘nta l’Istituzioni.
Cca si guverna di santa ragiuni
nun c’è nuddu chi si po’ lamintari,
cca nun ci su’, politici latruni
ma sulu omini di rispittari.
A li mafiusi si ci f’à la guerra 
lu guvernu nun ci duna abbentu,
li mannanu ‘n galera sutta terra 
no, ‘nta li stanzi di lu Parlamentu.
Avemu senaturi e deputati
chi fannu liggi troppu ‘ntilligenti,
sempri a sfauri di li putintati
pi nun ‘nfussari mai ‘a bona genti.
E tuttu fila lisciu comu l’ogghiu
‘nta ‘stu paisi nun esisti ‘ mbrogghiu,
tuttu si svolgi ‘nta la legalita’
evviva ‘sta onorata società !

l’Auturi ,Euranio La Spisa©