A FIMMINA 'I CASA - di Vittorio Ballato

Me mugghieri, chi é fimmina 'i casa,
puru si nun sta' beni, é sempri in motu,
barattelli e pignati sempri rasa,
'a so facci 'ssimigghia a un ciuri 'i lotu.

Dû lettu s'arza prestu ogni matina,
e subitu 'ccumincia a traficari,
pripara 'u café, s' 'u gusta 'n cucina,
pi chiddu chi fa' 'nc'é sordi a pajari.

Si 'nterra é bagnatu "mali pi mia",
unni posi li pedi accura a stari,
pirchì ci passa puru la liscia!

S'arrivanu li niputi, 'un ni parrari..,
pî boni pranzi ognunu s'arricria
e resti loccu si vidi manciari!

Doppu chi la jurnata si cunchiudi,
si metti supra ô lettu a lamintari
e s' 'a cinsuri si àvi 'u duluri,
dici: "chiddu chi fazzu, 'u fazzu p'amuri"!

Vittorio Ballato. Diritti riservati
Legge 22/4/41 n.633