'A STRATA DRITTA - di Vittorio Ballato
08.04.2014 08:58
Passiava di notti ô chiaru 'i luna,
quannu 'ntisi 'na vuci a la ntrasatta:
"Varda chi tu, si vo' fari furtuna,
cerca 'i pigghiari sempri 'a strata dritta"!
"Si quarcunu ti dici putacasu,
chi l'omu onestu 'n'àvi ciriveddu,
va' pâ to strata,nun fari l'offisu,
ma dicci mi si leva lu cappeddu!
Nun dimustrarti dignitusu e raru;
a quantu tu 'ntrapigghi metti sennu
e chiddu chi tu si' 'mmustralu chiaru.
Cuntinua cu mudestia, senza cennu
di scicchiria o di chiusa in tribù:
"di quantu ô munnu è bonu, fanni virtù"!
Sonetto inedito di Vittorio Ballato.
Diritti riservati. Legge 22/4/41 n.633.