Cosi mali capiti - di Euranio La Spisa

Cosa di pazzi nzòccu mi successi
mentri aspittava 'a centusittantunu,
'n canuzzu, di chisti piluseddi
ntrà li me' pedi veni , mi fa' priu .
Mentri cuntentu staju ô sò jocu,
si ferma un lapinu e nni talia,
mi dici -- Signor Lei, chi fa 'u tusu ? --
io, " Facissi lei, cu bona volontà "
Lu cristianu inzia 'u sò lavuru
di bona lena cu la manu lesta,
-- 'A testa ci la fazzu a liuneddu,
â cuda cci lussu a sfumatura --
Finutu lu canuzzu di tusari,
-- Dicissi Signor Lei , ci pari bonu ?--
jò " Veru bonu, lu tusò stù cani ! "
-- Ci veni vinticincumilaliri ..
" ma di cu 'i voli lei ,stì dinari ? "
io ci rispunnu anticchia ,altiratu,
--Chi e ? vulissi fà 'a quistioni ? --
" Quali quistioni ? aspettu l'autubus "
-- E ora a mia cu è ca mâ pajari ? --
" Sintissi ccà ,si voli un cunsigghju
circassi di lu cani lu patruni,
ca jò aspettu 'a centusittantunu ! " 

Euranio La Spisa@