CU SPARTI ÀVI 'A MEGGHIU PARTI - di Euranio La Spisa
02.04.2014 19:15
Siddu vî cuntu, mancu mi criditi.
pari chi mi l'avissi jò circatu ,
sutta ci ivu e puru vastuniatu .
pi fari di paceri 'nta 'na liti .
Mancu lu tempu appi di parrari,
un primu pugnu pigghiu, pi gradiri
poi 'na boffa tantu pi cuminzari,
e 'na gran carcagnata pi finiri .
Doppu pero', pi falli appaciari,
ô bar, 'u cafè appi a paghari,
si dettiru la manu, si vasaru,
felici ê casi, iddi riturnaru.
Bona mi la 'nzignai la lizioni
cara mi custò 'sta bona azioni,
cu' sparti avi sempri a megghiu parti
mi cunvèni stari sempri ' n disparti.
Euranio La Spisa©