LA FAMIGGHIA - di Euranio La Spisa

Famigghia ,cosa sacra: maravigghia,
cu l'omu onestu c'hàvi la sapenza
e la muggheri sò chi lu cunsigghia ;
ddà casa pasci 'nta la pruvvidenza.

E' biniditta sempri 'dda famigghia
chi li sô figghi crisci cu cuscenza :
'un ci nn'è sbagliu chi 'un s'rripigghia,
l'amuri di sustegnu fâ pacenza.

E' la famigghia com'un bastimentu
chi 'nta lu mari strogghi li sô vele,
e naviga sicuru nmenzu 'u ventu,

sî marusu veni a tradimentu -
- la vita unn'è sempri latte e miele -
'nsemmula s' jùnci cu ardimentu.

Euranio La Spisa©