LA MINZOGNA - di Euranio La Spisa
29.03.2014 15:30
Nun fa' mai strata longa la minzogna,
li pedi l'àvi moddi comu 'a sugna.
Dâ so simenza spica la gramigna
'n menzu lu granu, 'n menzu di la vigna.
Strittu ànnu cu idda gran lijami
di li spirgiuri, tanti vucchi 'nfami,
lippusa comu fangu ntâ munnizza
d'idda si vidi sulu la scumazza.
La virità peró sempre arripigghia,
juncennu la minzogna,la scummogghia,
liggera ni traspari comu l'ogghiu
e di l'infamità scopri lu 'mbrogghiu.
Euranio La Spisa@