La Porta di lu Paraddìsu - di Euranio La Spisa
19.03.2014 14:44
Capiri jò nun saccìu unni mi trovu
ntra li culura, di chistu surrisu,
comu si fussi dintra 'n munnu novu
o fora 'a porta di lu Paraddìsu.
Ed allùccutu restu a cuntimplari
di stì surgenti,specchi d'acqui chiari,
ca l'arma s'apprisenta e ci traspari
comu 'na virginedda m'accumpàri.
E la me menti si stranìa e pensa,
'nta quali munnu mai,jò mi truvassi
ma ormai ci persi puru la sapènza
si dintra li tò occhi jò ci vulàssi .
Euranio La Spisa@