Li ' NTRICANTI - di Euranio La Spisa

Fattilla â larga dâ genti  'ntricanti ,

chi sempri ti la trovi dda davanti ,

cu fari vastaseddu e pitulanti ,

su' peggiu di li pulici pinitranti .

Cucchiara  su' di tutti li pignati ,

nenti ci sfuggi , su' boni 'nfurmati ,

'nta tutti li facenni  su' prisenti ,

pi mettiri 'dda lingua 'mpirtinenti .

Poi nun vi dicu  'dda me cummaredda,

peggiu  di 'n 'intricanti ca faredda,,

sempri la vidi 'n menzu di la strata

comu lu pitrusinu 'nta 'nzàlata.

Ancora prima chi canta lu jaddu ,

idda e so maritu , mastru Piddu ,

già stannu 'ntricati 'nta lu curtigghiu

cusà  dormi, ti cunsidiri  svigghiu  !

L'Auturi Euranio La Spisa©