Lu Venniri Santu - di Euranio La Spisa
12.04.2014 13:30
Pi Cristu 'nta 'na cruci flagillatu.
chianci la Matri so' e tutti 'i genti ,
senza 'na curpa , veni suppliziatu ,
'nchiuvatu comu fussi dilinquenti .
La terra trema, sbutta e si 'ndigna
l'Astri dû Celu cadinu funesti.
mori lu fruttu e sicca la vigna.
lu mari 'ngrossa , movi li timpesti ,
Scula sangu , 'ddu corpu marturiatu
poviru Figghiu , fici morti atruci !
Doppu chi Cristu, amuri àvia datu
comu cumpènsu appi spini e cruci !
l'Auturi, Euranio La Spisa@