San Giuseppi - di Matilde Messina

Quannu veni San Giuseppi
taliamu ddi ‘mmaginetti,
tutti pari ‘u pinsamu
‘n patri vecchiu, ccù ‘n ciuri ‘n manu.
Patri Santu,
Santu cristianu,
do’ Signuri tiniu la manu,
quann’era nicu lu salvau
di ddu re, l’alluntanau,
ccu Simiuni s’ancuntrau
poviru vecchiu
‘n distinu amaru ci cunfissau.
Falignami, artigianu,
lu misteri c’insignau
e Maria ci campau,
vecchiu, stancu,
ormai malatu,
a ssò fìgghiu
vosi a latu
e ‘u Signuri l’accuntintau
fra i sò vrazza l’accumpagnau,
poi ci dissi,
“Ti prumettu
ca ccu Diu
stai ‘o cospettu”.

Matilde Messina 18 03 2014