Ti canuscii - di Matilde Messina

Ti canuscii ca eri 'na pupa
l'occhi erunu niuri giuitti
'u nasu 'n puntu fra l'aricchi
a vucca 'n'cori fra li perli.
Li to' capiddi erunu di sita
riccioli niuri fra li me 'ita
lu to' pettu a palummina
pareva 'nbalcuni
chinu di ciuri,gerani russi
nda' l'infirriata di ferru
cinguettaunu i pettirussi.'
'A sira 'retu 'a tenda cumpareva 'n ombra'
'nda lu salottu ti videva passiari,
'a luci smorza lu grammofunu sunari.
Vecchi ,manu 'nda la manu
i spaddi sicchi ,vasci a cucchiaru
ppi sustegnu 'nvastuneddu,
tremunu 'sti vrazza
e lu passu sempri chiù lentu.
Ma,semu ccà ancora 'nsemula
tanta strada ppi ddù viali
vita,...ancora tanta musica avà sunari.

Matilde Messina, 16 02 2015.