VECCHIU - di Vittorio Ballato

Vecchiu: parola chi mi fa' priari,
mentri la vucca già mi trimulia:
'Ntôn ciumi vidu 'na barca passari,
'u turnu 'spetta, 'i purtari a mia.

'U barcarolu fa' cennu d'aspittari,
mumentu bonu pi la fantasia.
'U ciriveddu già mi fa' pinzari
â vuluntà di Diu e di Maria.

'A peddi vecchia, tutta 'ncrispuliata,
'a nivi in cima ô munti di pinzeri,
p'un parrari dâ carina 'ncruccata

e 'a facci surcata dî grinzeri.
'U corpu già mu sentu 'n luntananza
e ogni cosa perdi 'a so 'mpurtanza.

Vittorio Ballato. Diritti riservati@
Legge 22/4/41 n.633.